مساكم جميل جميلاتي انتو
.
اعرفكم تحبو فقرة الرڤيو .
ماقيد كتبتلكم رڤيو عن منتج للشعر..و السبب مااقدر اثق بنتيجتي خصوصاً بالشعر لانو انعكاس للصحة الداخليه بدرجة اولى،بعدها اهتمام خارجي لإصلاح ماأفسده الدهر????،المهم قبل تتحمسي معايا ع البوست،و انتي عندك تساقط،روحي ياقمري اعملي تحاليل للغدة و مخزون الحديد و الحديد اكثر شي يأثرو ع الشعر،من 5 سنين و بعد ولادتي اكتشفت خمول الغدة الدرقيه عندي مع فقر الدم،بعد ماانجنيت من تساقط شعري،و عرفت وقتها السبب،(حاولت)اعالج اولاً من الداخل لكن اكره الادويه ف ماكنت منتظمة الا كثير، الين تأدبت وخفت تبقالي شعرتين بس،المهم ماح ابهركم و اقلكم مافي شي مااستخدمتو لشعري لا لاني بصراحة اكره الزيوت اكره حوسه ماسكات الشعر المنزليه اكره الروايح بالشعر اكره ريحة الحنا و اكره ريحة السدر و لو ب استخدمهم ماانتظم بالكثير اسبوع و اقول بلا هم و تلطيخ و حوسه غير المنظر الي يضحك و انا لافه نايلو التغليف و اتمشى بالبيت????????
.
قبل سنة تقريباً استخدمت مجموعه كامله نيوتورديم لاحظو هنا قلت (المجموعه كامله) عندي قناعه انو مافي شي يعطي نتيجه لوحدو،المهم لاحظت اشياء جميله و اتحمست مع تعليقاتكم عليه و كومنتاتكم ع الواتساب بس بصراحة مضيعتهم،م عملت رڤيو لانو ماشاءلله ماالحق انزلهم الايخلصو و ياويلي لو خلصو ????،المهم قبل شهور و مع رجوع فقر الدم و لخبطة الغدة و الحمل رجعلي التساقط????..(قلت هيا خدلك و لسه كمان ماولدت????،التساقط الصح)،حاولت اداري دي المشاكل و اضفت لعنايتي مجموعه الشعر من نيوتوديرم و بديت فيها قبل 3 او 4 شهور تقريباً كنت منتظمة عليها و اخيراً تعرفو ليش؟، ادمنت ريحتها????،ريحتها مااحكيكم قديش تجنن و الله اطلق من اطلق عطر للشعر مع انو عندي كثير الا انو فعلياً اعشق ريحتها هوا باودر هوا صابون هوا ايش مدري بس تجنن،السبب الثاني انها بلاحوسه( شامبو 5دقايق ع الشعر بلسم 5 دقايق ع الشعر و مرتين باليوم مع مساج البخاخ او التونيك او الوشن زي ماهوا مكتوب و طبعاً مايدهن و لا يثقل و لايوسخ الشعر و دا الحماس) بس كذا بكل سهوله،
.
نجي للنتيجه الي لاحظتها:
.
اول شي المجموعه منشطه للفروه و الجذور و يعزز يغذي الشعر التالف و الضعيف و الهش يعالج التساقط، و بالنسبه بالاضافه الى انها تخفض نسبه تكسر و تلف الشعره الى 90٪،
.

الي لاحظتو خلال الاربعه شهور انو التساقط تقريباً وقف ماشاءلله،واضح البيبي هير كيف طلع بحماس،قيدني كمان قصيت شعري قبل تقريباً 10شهور لنص ظهري و حلف مايطول بعدها لمدة طويله، مع المجموعه لاحظت انو رجع يطول الحمدلله،اللمعه و صحة الشعر واضحين، ب استمر ع المجموعه حتى لبعد الولاده عشان يارب اتلافى التساقط الي يحصل وقتها،حقيقي مجموعه من الاخر،اه صح سبق و استخدمت مجموعات تساقط ماشوفت نتيجه زي ماشوفت مع نيوتوديرم،ممكن لاني انتظمت بجديه عليها بسبب جمال ريحتها????(مااتوحمت على ريحتها ترا) بس فعلياً جميله ياخي احب لمن تجتمع عنايه و فايدة مع دلع،احس ب كياته ????، عيبها الوحيد سعرها الغالي و الله و حاولت مع الشركة انو تخفضها مع الكميات عشانكم بس للأسف مانفع ممكن لانو محتكرينها ( هدولاك الي نصهم بيتضاربو ع معرضهم????)يوماً ما انشاءلله دودي بلوقشوب تسير عالميه و اخدلكم منتجات و اخفضها لاخرها، بس ادعولي المهم.
.
.
‎المجموعه فعالة للنساء و الرجال .
.
‎المجموعه تكفي تقريباً شهرين وحجم كل من البخاخ و الشامبو و اللوشن 250 مل .
.
.
‎طريقة الاستخدام مكتوبه على كل منتج بكل اللغات حتى العربي .
.
‎اما طريقه استخدامي انا:
.
‎اخلي الشامبو مع التدليك 5 دقايق .. و البلسم نفس الشي.. اما البخاخ كل يوم مرتين ع الفروه و منالت الشعر مع التدليك و مايحتاج تغسليه لانو مايوسخ الشعر او يدهنو .